الصداقـــــة

Posted by مدونة رحلة حياه Posted on 18 التعليقات







الصداقه اجمل مافيها معانيها
واصعب مافيها تنفيذ اسمها

BNT ELISLAM

***************

 


الصداقة
هي اني اتكلم مع مني هيكل وأعزمهاعلي أيس كريم

واكلم اسامه واعمل له شاي بلبن

بعد كل اللي عملوه

بحبهم وبحب كلمات وأهل كلمات
لأنهم مش اصدقاء وبس أخوات كمان


***************




الصداقه كنز من ال24 قراط عدل بتوعك


الصداقه احتواء وتفهم مهما علت الاصوات


الصداقه ضهر وسند تتسند عليه وانت مغمض مش  مهم راجل مش مهم ست



الصداقه انك ماتحتاجش تروح لدكتور نفسانى لانك بترمى فى بحر الصديق وانت متيقن ان عمر صورتك ماهتتهز فى نظره


الصداقه احساس اكثر حميميه ودفىء من البيتالصداقه هى انتم كلمات+ خيخه + فاتيما

***************

 
في الاول هاقول لأفروديت و أنا هاستني الأيس كريم و الحمد لله انك مش زعلانة
و صح اللي قلتيه برضه.. من الصداقة اننا نحب بعض لله في لله
---------------
الصداقة يعني إيد تطبطب تمسح دمعة
يعني حضن دااافي يخبيك من الدنيا و انت حزين .
يعني اتكلم كأني قدام مرايه و مش خايفة اتفهم غلط.
يعني أخاف عليك و اشيل همك كأني أمك .
يعني ضحكة و ابتسامة من القلب بجد لأنك في حياتي.
الصداقة غالية اوي و نادرة اوي و جرحها اصعب من جرح الحب .
و الاصعب انك تكون عارف كل ده و مقدرة اوي بس مش لاقيه و بتدور عليه و لما تلاقيه دايما يكون ناقص

  منى أبو السعود

***************



الصداقة
اجمل شئ فى الوجود بس .... خسارة
ما بقاش فى حب صالح كله بتاع مصالح
ماعدش صداقة باخلاص مدى الحياه كله بياخد مصلحته ووقته وينتهى

موجه

***************

 
الصداقة معادله صعبه لا يفهمها الكثيرون

فارسه بلا جواد


***************



الصداقة هى الصدق وان تعارض مع المصالح




 ***************
سأل الحب الصداقه ما قيمه وجودك فى الدنيا مادمت انا موجود ؟
اجابت الصداقه :
خلقت لأصنع الابتسامه حينما تترك انت الدموع

الصداقه روح واحده فى جسدين
الصداقه انى احس بصديقتى واقلق عليها واتصل بيها نص الليل والاقيها تعبانه
الصداقه انى اسمع منها واخفف عنها واحاول احتويها

الصداقه احتــــواء
عاشقة الرومانسيه

***************



الصداقة عمله نادرة جدا ف زمن تعلو ف كلمة مصلحتك أولاً

الصداقه كنز لمن يملكه وأملا صعب المنال لمن لا يملكه

الصداقه انك يكون لك صديق:
قلبه طيب زى جايدا العزيزى

وصديق دمو خفيف زى رشا خواطرى مع الحياة
وصديق يكون عونك وسندك زى ريماس نافذة حُلم

وصديق وفى جدا زى محمود باحث عن الحب

وصديق حنون ورقيق زى ايناس ملاك يعيش بكوكب اخر

وصديق يبقى زى اخوك اللى مش بتبطلو خناق وضرب ف بعض زى تايجر رايق كول

وصديق صادق معاك زى كلام من قلبي

وصديق تفتقده زى دكتوره ولاء دمعة حنين

وصديق يصعب وصفه مثل دكتور ريان بوح الخواطر

الصديق مسكن للالم زى حباية بندول

وصديق اشتاق اليه مثل توتا اتنين حبيبان

وصديق نادر الوجود زى استاذ بكر اشياء لابد ان تقال

صديق طيب اوى زى بنت الاسلام لمسه للواقع

وصديق صدوق زى ادم المصري المختفى من فتره

وصديق ينصحك عندما تحتاج للنصيحه زى حره من البلاد

وصديق جميل اوى وياخد القلب اوى زى ساسو حبيبة قلبى أشعار وتأليف

صديق يروق لك الاستماع اليه زى رضوى طالبه مقهورة درجه اولى

واخيرا جميع اصدقائي انتم فعلا معمله نادره ف هذا الزمن واسفه لو مكتبتش حد بس صدقونى عجز لسانى وعقلى عن زكر كلمات اوفيكم بيها حقكم



mena

 *************** 
 

الصداقه اني اول ما اخش المدونه هنا مش اشوف غير تعليق سما اللي جواه كل معنى الصداقه ان اكتر حاجه كانت مزعلها ان اتنين من اصحابها بيتخانقوا وكانت بتحاول بكل جهدها انها تصالحهم لانها فعلا صديقه بتخاف على اصدقائها
قال رسول الله صلى الله عليه وسلم( حب لاخيك ما تحبه لنفسك )
هكذا ارى الصداقه
eng-semsem
***************
[55LB.JPG] 
الصداقة هي مرآة العيوب
هي النظر بعين ليست عينيك اليك لتريك ما لا ترى

مصطفى سيف
Categories:

الصمــــــــت

Posted by غير معرف Posted on 24 التعليقات


الصمت قاتل محترف

( مارو قلب القطه )


---------------


الصمت
شقاك للقلب ...

الصمت نار بتقيد القلوب ووجع مالى الصدور وراحه فى بعض الاوقات ...

الصمت خوف وفى بعض الأحيان قوة ...


الصمت دمعه من العيون ... تنزل تخفف الوجع

الصمت روح مكسورة جواها كلام كتير بس مخروسه ...

(الحب الجميل )

--------------


الصمت هو التحدث دون أن تحرك شفتيك



---------------

الصمت ....
للصمت احيانا ضجيج
للصمت احيانا همس رقيق
للصمت فى القلوب وقع لحن فريد

للصمت احيانا كلمات ليست كــ الكلمات
عندما يضيق القلب بالمعانى ويعجز عن التفسير والتعبير يؤثر الصمت فيكون أبلغ من كل القصائد والكلمات




---------------

الصمت .. لغة العظماء

الصمت .. افضل طريقة لترد بها الاهانة

الصمت .. هدوء يسبق العاصفة

الصمت .. قد يكون جهل وقد يكون إصغاء

الصمت .. تأمل


الصمت ... واحدة خيخة صوتها راح بسبب انها قعدت طول الليل تقول جاااااااااااااااااااي
بصوت عالى
بنت خيخة وأى كلام

--------------

الصمت
لغه القلب والعيون معا
ليس اى حد يستطيع
ان يترجم
أو يفهم
مفرادات تلك اللغه


محمود(باحث عن حب)

--------------- 


الصمت قله حيله وعجز
الصمت هو الطريقه الوحيده علشان توصل اللى مش هيوصله الكلام
الصمت يبدأ اختيار وينتهى اجبار
 




--------------- 


" الصمت ... الاقرب لقلبي وصديقي الدائم "

لولا

---------------


الصمت نعمة لمن يعرفها
وداء لمن يعتاده
وشفاء لمن ارهقته الشكاوى
وعبادة لمن يتدبر
وهيبة ووقار على وجه من لا نعرف
وحل مميز فى الاوقات العصيبة
وامتصاص لغضب الكثير واحيانا العكس
أن تجيد الصمت فن يحتاج الى علم كى تتقنه









---------------


أحيانآ ...
يكون الصمت أبلغ من أي كلام

الصمت لغة يعرفهاجيدآ كل من يحب


الصمت موت للكلمة وحياة للعقل
---------------
في بعض الاوقات يكون الصمت ابلغ كثير من اى كلام قد يقال

الشخص الصامت في وقتاً صعب هو كالبركان الخامد وبداخله حماماُ ونيران

الصمت هو أعظم لغات الكلام

الصمت كنز لمن يستطيع استخدامه

ان تصمت امام من أهانك فهذه هى أكبر أهانه له


---------------
 الصمت

افضل رد فعل لاى فعل


موجة

---------------


الصمت

افضل رد على الهتيفه ومدعين المعرفه والجهلاء


gogo!sf

---------------

الصمت
سجن مقيت قابعه فيه منذ سنين أحاول تحطيمه بايماءات

فارسه بلا جواد

---------------

  الصمت
تعبير عن الغضب بس بطريقة موجعه للصاحبه

reemaas

--------------- 



الصمت

 ليه اوقاته

اللى ينفع نصمت فيها

واللى مينفعش نصمت فيها ولازم نطالب بحقوقنا

ندا منير


---------------

الصمت
هو ابلغ من ملايين الكلمات عندما تلتقي عين محب ملهوف بعين حبيبته

Haytham Alsayes


---------------
الصمـــــت
:
:
:
كـــبريــــــاء
 
reem
 
 --------------- 

Categories:

الوفــــاء

Posted by مدونة رحلة حياه Posted on 24 التعليقات




الوفاء

انك تكون بعدت عن حبيبك علشان ظروف اقوى منكم
و وعدته انك ما تتصلش بيه تانى

واول ما تسيبه تخلف وعدك معاه
و تتصل بيه

احيانا .... خلف الوعد بيكون منتهى الوفاء

( بنت خيخه وأى كلام )

-*-*-*-*-*-

الوفاء اننى كلما تذكرته دعوت له من كل قلبى

( مارو قلب القطه )

-*-*-*-*-*-

والوفاء هو اننا نشرب فنجانين قهوه في بعد من نحب لان زي ما قالوا في فرق كبير اوي بين الوفاء والغباء .. والوفاء اننا نبقي علي كل شيء يحبه من نحب حتي لو طال البعد علي أمل اللقاء

 الوفاء ان انظر الي صورته كل مساء و اضمها الي قلبي وانااااااااام

( مونتى بوكيه ورد )

-*-*-*-*-*-

الوفاء لقلبه ان انسحب بلا رجعة حينما اعلم بأنه لا يجرؤ على اخذ تلك الخطوة بمفرده.

( لولا )

-*-*-*-*-*-





الوفاء ان اعاهد قلبى الا يدخله احد بعد حبيبى


( عاشقة الرومانسيه )


-*-*-*-*-*-

الوفاء ان نحافظ على الوعد

وننتظر الحبيب مهما كانت اسباب البعد

( جايدا العزيزى )

-*-*-*-*-*-

الوفاء
انى اضحى بنفسى من اجل
ان يكون حبيبى سعيد

( محمود باحث عن حب )

-*-*-*-*-*-

الوفاء
أنْ تخلص حينما يصيرُ النُكران عملة رسمية يتداولها جميع من حولك

Casper

-*-*-*-*-*-

الوفاء هو الا يوجد نفس يدخل جسدك دون ان تتذكرهم
هو الا ينبض قلبك الا بهواهم
هو الا تفعل جوارحك الا ما كانوا يعشقون
هو ان تصبح انت هم ومهما غادروا فهم احياء بداخلك
(      مصطفى سيف     )


-*-*-*-*-*-


الوفاء ده بقى شئ صعب وجوده
احنا بقينا فى زمن الا وفـــــــــــاء

( موجــــــه )

-*-*-*-*-*-


الوفاء .... على المطلق يعنى أوفى الحق وأعطيه لصاحبه واحافظ على العهد معاه


لكن لو للحبيب أقولك *
لقيت الحب شىء اكبر من انى اخد أنفاسى ... مع كل نبض بقلبى أسبح اسم الله واشكره انه وهبنى حب حبيبى وجعله واحة فى عمرى .... ولو بعد عن عيونى يكون دايما معايا وأراه بكل الوجوه واسامح به أخطاء الدنيا فى حقى ... واكون دايما على استعداد افديه بروحى بدون تردد ... الوفاء يعنى الحب والحب يعنى الوفاء

(أم هريره)

-*-*-*-*-*-


جبل وهم مليان بالجروح
لا يقدر يقول شكوته
ولا من عذابه يقدر يبوح
مليان أسي
مليان حنين
ضاعت حلاوته في السنين


( أحمد الصعيدى )







-*-*-*-*-*-


الوفاء شجرة شامخه صامدة أمام كل الفتن 


( فارسه بلا جواد )


-*-*-*-*-*-


الوفاء 


سمة يتصف بها أصحاب القلوب الوفيه الرحيمه
الوفاء لصديق ...
الوفاء لحبيب ...
الوفاء واجب من حقنا على بعضنا
الوفاء قوة على طول الطريق 


( الحب الجميل )

-*-*-*-*-*-


الوفاء....
مش لاقية كلمة مناسبة
بس يمكن احس ان الوفاء انك تحترم اللي بتحبه في غيابه ووجوده....الوفاء انك تحبه طول الوقت بكل عيوبه قبل مميزاته
الوفاء انك تفضل تحبه مهما حصل 


( رحاب صالح )


-*-*-*-*-*-

الوفاء
هو في رأيي كزهرات رقيقة تزين بستان الحب وتجعله مزهراَ ذا رونق وبهاء
ولا اقصد حب الحبيبين فقط بل كل انواع الحب
الوفاء ... ان تظل تسأل عن اخبار اصدقاء الجامعة حتى بعد تسافر للعمل في دولة اخرى
الوفاء ... ان تعين من لهم مكانة في قلبك على الطريق الصواب حتى وان جادلوك وخالفوا آرائك
الوفاء ... ان تقف الى جوار من تحب حتى وان خسرت الدنيا ومن عليها
الوفاء ... هو ان يظل قلبك عامرا بالذكريات الجميلة لكل من مروا في حياتك
الوفاء ... ان ترى حبيبا هجر منذ عدة سنوات بلا سبب فتبتسم وتنظر الى مرافقك وتقول انه كان في منتهى الرقة والاخلاص
ريــــــم


-*-*-*-*-*-
Categories:

الحـــــــــب

Posted by مدونة رحلة حياه Posted on 13 التعليقات

الحب أحلى حاجة في الدنيا مينفعش تبقى عايش

 وقلبك مبينبضش ... بنحب ربنا 

بنحب رسوله بنحب ملائكة السماء والارض...

    ( لولا )


-*-*-*-*-*-


الندم لمن عرفوا الحب والأسف للذين لم يعرفوه

(عاشقة الرومانسيه)


-*-*-*-*-*-



قلب ينبض وروح تهيم وعيون لها بريق
وإنسان يطير في سماء صافية

يدنو من الاقمار ويناجي النجوم



الحب هو عدم الإحساس بالذات فلا تشعر بوجودك فقط

 كل ما يملأ جسدك هو من تحب

( مصطفى سيف )


-*-*-*-*-*-

الحب ... حياه
( محمود باحث عن حب )


-*-*-*-*-*-



الحب أن تعطى دون أن تنتظر المقابل

الحب أن تحترم من تحب وتقدره

الحب طاعة للمحبوب

 الحب أن تغيب فيمن تحب

 الحب به تعيش القلوب فى بساط الجنات

( رحلة حياة ... محمد متولى )

-*-*-*-*-*-

 "الحـــــــــب":
الحب سلاح ذو حدين
الحب اخلاص
الحب وفاء
الحب جنون
الحب طفل بريئ (كما اتمناه)

 shams

-*-*-*-*-*-

الحب ده قصة و دنيا تانية غير اللي عايشين فيها .. الحب احلي حاجة بيحلي ايامنا و يغير كتير فينا .. الحب يعني بريق خاص يملي العيون و ابتسامة علي الوش طالعة من القلب .. ابتسامة تشوفها لازم تبتسم لها لأنك هاتحسها .. الحب لو دخل حياتك هاتحب كل حاجة حواليك و هاتشوف كل حاجة جميلة.
الحب نظرة عين تشوف فيها حنان الدنيا .. الحب نظرة تضمك و تشيلك بين جفونها ... الحب انك تخاف علي اللي بتحبه و تشيله في عيونك .. الحب كتير اوي بس كفاية عليكوا كده :))

( منى أبو السعود )

-*-*-*-*-*-

الحب

ان تمسح دموع عينيك بماء القلب وحياته

الحب ان ترى فيمن تحب مالا يراه فى الكون احد غيرك
الحب هو ان تغوص فى قلب وعمق وجدانه
دون ان تسأله عن مدى غوصك لانك رلا تنتظر سماحه او موافقته
الحب
ان تنسى كل ما هو دون المحبوب

الحب هو ان تعشق كل ما حوله بجنون

الحب هو


الحـــــــــــــــــــب
بكل ما يحمله من حب

ويكــا

-*-*-*-*-*-

الحب ده معانى كتييييير اوى
واحاسيس منعرفش نوصفها

الحب يعنى بجد تسمع دقات قلبك وهى بتدق جامد اوى
اول ما تحس ان الحبيب فى المكان ده او انك تلمحه من بعيد

الحب انك تحس إن فيه حاجة بتاكل فى بطنك وفى قفصك الصدرى لما تشوف الحبيب مع حد تانى غيرك

الحب هو ابتسامة حلوة بتطلع منك للحبيب او من الحبيب ليك

الحب اغنية مشتركة بتسمعوها سوا ولو حد سمعها لوحده يفتكر نصه التانى

الحب فسحة فى مركب فى وسط النيل

الحب اهتمامات مشتركة بتستمتعوا بيها سوا
او كتاب بتقروه وبتتنقشوا فيه

الحب اغنية عاجباكم كلماتها او اللحن بتاعهاعاجبكم
او حتى ممثل دمه تقيل على قلبكم انتوا الاتنين

الحب ممكن يكون فى كيلو طماطم اشتريتوه سوا وانتو مروحين بيتكم مع بعض

ممكن يكون فى كوبيتين عصير قصب وبتضحكوا على بعض
لما عصير القصب يعمل بالفوم بتاعه شنب ابيض على وشوشكم

الحب ممكن يكون حضن صغنن وانتو بتتفرجوا على فيلم السهرة سوا

ممكن يكون نكتة قلتوها لبعضكم قبل ما تروحوا تعملوا واجب عزا لحد من المعارف
وتبقوا وسط معمعة عياط الناس التانية
ماسكين نفسكم بالعافية من الضحك
واول ماتقابلوا بعض بعد العزا مايخلص تقوموا تنفجروا من الضحك

الحب ممكن يكون فى فنجان قهوة معمول بروقان لحبيب القلب

الحب ممكن يكون فى تلات شربات بعشرة جنيه من التحرير
حبيبتك جابتهملك وهى نازلة تقضى مصلحة فى وسط البلد

ممكن يكون فى ايشارب بسبعة جنيه انت اشترتهولها من جنب الراجل بتاع الشربات

الحب ممكن يكون فى شريط كيتوفان الحبيب جابهولك
علشان عارف انك عندك صداع مدمر

الحب ممكن يكون فى شكولاتاية صغنونة
انت جبتهلها علشان هى بتحب الشكولاتة

الحب ممكن يكون حلم مشترك
بشراء ستارة جديدة للصالون

الحب ممكن يكون فى معلقتين رز زيادة فى طبق حبيبك علشان عارفة انه تعبان طول النهار

الحب ممكن يكون فى اخر معلقة فى طبقك وبدل ما تاكله انت بتديه لحبيبك فى بؤه وبتقوله خد دى من ايدي

الحب هو انك رغم مشاغلك الكتيييير اوى بتتصل بحبيبتك الساعة اتناشر الضهر
وتقولها متنسيش تاخدى الانتبيوتك بتاعك

الحب انك لو صحيت بليل من النوم علشان عايز تعمل بى بى
تبقى تشئر على حبيبك وتشوفه ياترى متغطى كويس ولا لأ

الحب انكم تتسابقوا مع بعض مين هيختم المصحف الاول فى شهر رمضان

الحب ممكن يكون كدة
وانتى واقفة فى المطبخ بتغسلى المواعين
تندهى على جوزك
ولما يرد عليكى تساليه هو انا النهاردة قلتلك انى بحبك


الحب ممكن يكون كدة
وانت رايح تشرب مية من التلاجة
تنده على مراتك
ولما ترد عليك تقولها بحبك

الحب ممكن يكون كدة على طريقة شريف ابنى :
مامى انا بحبك انتى وبابى اد النملة الكبيرة و اد النملة الصغنونة

الحب ياجماعة مش بس انكم تحبوا بعض
الحب انكم تزرعوا حب فى قلوب اللى حواليكم كمان

( بنت خيخه واى كلام  )

-*-*-*-*-*-

الحب
هو ان تبتسم من قلبك لكل من حولك
(:

رامـــى

-*-*-*-*-*-

الحب
حرفين
حــــــــاء : حريق
وبـــــــاء : بت فى ناااار

موجــــه


-*-*-*-*-*-


الوفاء شجرة شامخه صامدة أمام كل الفتن 


( فارسه بلا جواد )


-*-*-*-*-*-
Categories: