مصر
اعتلي صهوة خيالك وانطلق داخل نفسك , تجوبها لتبحث عن معنى كلمة كيف تقرئها روحك كيف تعبر عنها نفسك , ما مفهومها بداخلك انطلق وعبر عما بداخلك دع نفسك لا تقاوم فقط صادق نفسك واسبح بداخلها , التقط خيطا رفيعا ربما يوصلك لروحك ربما تعي نفسك اكثر ان فهمت ما بداخلها اكثر من اجل ان نلقي شعاع ضوء بداخل انفسنا
تلات حروف من نور
تلات حروف بس فيها اكتر من تمانين مليون روح
كرمها ربي بذكرها في القرآن
وصنعت التاريخ قبل الزمان بزمان
ارض طيبة
نيل
مصر يعني ناس طيبين
بيدوروا على قوت يومهم في يومهم
ناس وقت الصعب شداد
ووقت الشدة ضحكتهم بترن
مش بيخافوا الموت
وصفهم الرسول عليه الصلاة والسلام بانهم خير اجناد الارض
لانهم صابرين صامدين مثابرين وفي وقت ما يقومو جبارين تنفجر في اراضيهم براكين
بس احنا لسه محتاجين نعيد اتزاننا تاني علشان مصر ترجع منورة من تاني ونورها يعمي عيون الحساد
مصر
يعني دفا ,أمان, حنان ,ناس طيبين
بموت فيهاوبلعن أبوها
ومش هسيب اللي بيهدوها
ومش هسيبهاحتي لو هموت
كفايه يكون لي قبر فيها
مصر
أحبها من كل روحي ودمي
عاوز تعرف عظمتها؟
اد ايه كلمة قصيرة لكن سايعة 85مليون
اد ايه ادتعمل فيها ولسه مستحملانا
اد ايه ماحناش عارفين نحبها ولسه مستوعبانا
اد ايه ماتعملناش نحبها وبرده ضمانا
دى مصر
وطن نعيش فيه ويعيش فينا
ارضى وارض اجدادى
عشت وح اعيش وح اموت على ارضها ومحدش يقدر ينزعنا منها
احسسنا بالاعتزاز والحب الجياش لحبيبتنا مصر بكل معانى الكلمه ودفئها
تقبلى تحياتى الاحــــــــلام
مصر العزة
مصر الكرامة
مصر الحب والطيبه
يا حبيبتى يامصر
مصر دوله وأمه عظيمه وهذا ما يعرفه العالم عنها ,بيد أن ابنائها في لحظات من التاريخ لم يعرفوا مكانتها العظيمه واساءو اليها ,ولكن اري مصرا اليوم مبتسمه وهي تنظر لابنائها وتربت علي اكتافهم وتطلب منهم الصبر فحضنها يتسع الجميع
مصر وباختصار اقول
مصر فيها أمى
ومنها دمى
وعشت فيها فرحى وهمى
وعلى ترابها مات جدى وعمى
مصر هى امى
حبيبتى يامصر